ຈີນ-ຫວຽດນາມ ສຳເລັດການເຝິກຊ້ອມຮ່ວມຕ້ານການກໍ່ການຮ້າຍ
ໂທລະພາບແຫ່ງ ສປ ຈີນ ລາຍງານໃຫ້ຮູ້ໃນ ວັນທີ 3 ສິງຫາ 2024 ນີ້ວ່າ: ວັນທີ 2 ສິງຫາ ຜ່ານມາ, ການຫັດແອບເຝິກຊ້ອມຮ່ວມຕ້ານ
ການກໍ່ການຮ້າຍລະຫວ່າງ ຈີນ-ຫວຽດນາມ ພາຍໃຕ້ລະຫັດ “ ການຮ່ວມມື- 2024 ” ທີ່ດຳເນີນມາເປັນເວລາ 2 ອາທິດ ໄດ້ສິ້ນສຸດລົງຢູ່ສະໜາມ
ເຝິກຊ້ອມແຫ່ງໜຶ່ງຂອງເຂດປົກຄອງຊົນເຜົ່າຈ້ວງ ແຂວງກວາງຊີ ຂອງຈີນ.
ການຫັດແອບເຝິກຊ້ອມຮ່ວມຄັ້ງນີ້ ແມ່ນການຝຶກຊ້ອມຮ່ວມລະຫວ່າງ ກອງກຳລັງປະກອບອາວຸດຂອງຕຳຫຼວດປະຊາຊົນຈີນ ກັບກອງຕຳ
ຫຼວດເຄື່ອນທີ່ໄວຂອງ ກະຊວງປ້ອງກັນຄວາມສະຫງົບຫວຽດນາມ ເຊິ່ງໄດ້ຈັດຂຶ້ນເປັນຄັ້ງທຳອິດ ເພື່ອຮ່ວມກັນປາບປາມການກໍ່ການຮ້າຍດ້ວຍ
ຄວາມຮຸນແຮງ. ພາຍໃນສອງອາທິດຜ່ານມາ, ສອງຝ່າຍ ຈີນ-ຫວຽດນາມ ໄດ້ດຳເນີນການຫັດແອບເຝິກຊ້ອມ 7 ປະເພດໃຫຍ່ ລວມທັງໝົດ 27
ລາຍການເປັນຕົ້ນ: ການແລກປ່ຽນ ແລະ ສຳມະນາ, ການເຝິກຊ້ອມບັນຊາ, ການເຝິກຊ້ອມທັກສະດ້ານການທະຫານ, ການເຝິກຊ້ອມປາບປາມ
ທາງນ້ຳ, ການເຝິກຊ້ອມການປະສານງານດ້ານຍຸດທະວິທີສູ້ຮົບ, ການເຝິກຊ້ອມຫົວຂໍ້ສະເພາະ ແລະ ການຫັດແອບເຝິກຊ້ອມຮ່ວມຕ້ານການກໍ່
ການຮ້າຍສັງລວມ.
ການເຝິກຊ້ອມຮ່ວມຄັ້ງນີ້ ໄດ້ຈັດຕັ້ງປະຕິບັດດ້ວຍຮູບແບບຈັດໜ່ວຍເຝິກຊ້ອມປະສົມ, ການຄົ້ນຄວ້າ ແລະ ເຝິກຊ້ອມແບບແບ່ງໜ່ວຍ ແລະ
ດຳເນີນການເຝິກຊ້ອມໄປພ້ອມກັນ, ເພື່ອເພີ່ມທະວີການຮ່ວມມືຢ່າງໄວ້ເນື້ອເຊື່ອໃຈກັນລະຫວ່າງສອງຝ່າຍ ແລະ ຍົກສູງຄວາມສາມາດຮ່ວມກັນ
ຕ້ານການກໍ່ການຮ້າຍ.
ແຫຼ່ງທີ່ມາ: ໜັງສືພິມກອງທັບ
ວັນທີ 06/08/2024